Ditën e djeshme, çifti shumë i dashur për publikun Alban Skënderaj dhe Miriam Cani, publikuan këngën e tyre më të fundit me titull ‘Duamë’, e cila siç u kuptua dhe nga videoklipi është xhiruar në vendin ku dyshja kurorëzuan dashurinë e tyre në martesë. Ndonëse kanë kaluar vetëm 24 orë, projekti numëron mbi 800 mijë klikime deri më tani në kanalin e ‘Youtube’ dhe ka pasur komente shumë pozitive nga të gjithë adhuruesit e dyshes.
Alketa Vejsiu ka qenë një prej tyre, e cila me anë të një postimi në ‘Instagram’, ka zgjedhur të shkruajë këto fjalë për çiftin: “Në këtë vend herë bardh e zi dhe herë me ngjyra, jeni një ylber i vërtetë. Jeni kolona zanore e shumë jetëve, shumë dashurive, shumë historive njerëzore që njohin vetëm një arterie, atë që furnizon zemrën me dashuri”. Moderatorja ka shtuar gjithashtu se ky videoklip është një super hit dhe frymëzim për të gjithë ata që dashurojnë.
Kujtojmë se Vejsiu gëzon një miqësi të vjetër me Miriamin dhe Albanin, të cilën nuk kanë nguruar ta tregojnë edhe përpara kamerave./revistawho.com
