Një polic i dalë në pension ka hedhur poshtë spekulimet më të reja se Tupac Shakur është gjallë. Ai ka thënë se e kishte parë momentin pasi reperi është gjuajtur me armë dhe agoninë e tij.
Chris Carroll ishte njëri nga policët që arriti i pari në vendin e ngjarjes në Las Vegas, ku u vra 2Pac. Ai ka pohuar se e ka parë reperin në gjendje të rëndë dhe të gjuajtur me plumba në vitin 1996.
“Tupac ka vdekur. E pashë duke humbur jetën para 20 vitesh. Akoma më duket e habitshme si fansat dhe njerëzit besojnë se Tupac është gjallë”-është shprehur polici 51 vjeçar. Polici në fjalë ka treguar se e ka parë këngëtarin me gjakderdhje të shumtë, teksa një plumb e kishte goditur edhe në kokë.
Edhe pse e kishte thirrur, ai nuk kishte lëvizur dhe nuk kishte dalë nga makina. Kur ishte afruar, Carroll ka treguar se atëherë e kishte kuptuar se në çfarë gjendje të rëndë ishte Tupac.
Polici është përpjekur ta pyesë atë se kush e ka gjuajtur, teksa me energjinë e fundit, reperi kishte marrë frymë dhe e kishte share.
Rikthimi i temës se reperi është gjallë erdhi pas një ‘selfie’ të publikuar, ku shfaqej një person shumë i ngjashëm me Tupac.
