Të shtunën e javës së kaluar në emisionin “Shiko kush luan” Iris Luarasi përmendi 4 emra të personazheve të njohur që i ka ngelur në lëndën e saj, një ndër të cilët ishte edhe Arbana Osmani. Pas deklaratës së pedagoges vendosi të reagonte edhe Arbana. Moderatorja tregoi se ajo ngeli në lëndën “Gazetari Radio”, sepse i duhej të punonte gjatë kohës që studionte për shkak të vështirësive ekonomike të familjes së saj. Ndër të tjera ajo shtoi se sot e ka kuptuar se nuk të bën të paaftë apo dështak nota ngelëse e një mësuesje.
Ndërsa ditën e sotme në lidhje me këtë temë ka folur edhe Drini Zeqo. Gazetari i njohur ka publikuar një foto nga reagimi i Arbanës dhe bashkangjitur saj ka shkruar: “Nuk është se ai fakultet në fakt të mësonte ndonjë gjë të madhe mbi gazetarinë e radios apo televizionit. Dhe po, ne që kemi punuar për të ndihmuar familjet apo për të mësuar ndonjë gjë më shumë kemi bërë mirë. Zysh Irisi pedagogia e gazetarisë në Shqipëri nuk është ndonjë gjë e madhe për t’u mburrur”, ka shkruar Drini.
Ndër të tjera ai ka treguar se në mesazhe i vijnë çdo ditë ankesa nga studentët, por sipas tij asgjë tjetër nuk mund të të mbështesë më shumë përveç krahëve të tu.
Mesa duket kjo temë ka nxitur një debat të fortë dhe ende nuk ka një reagim tjetër nga Iris Luarasi. /revistawho.com
