Lajmet e ditëve të fundit që morën shkas nga një intervistë e motrës së Adelina Ismailit, Zanfina, një javë më parë, kanë vijuar edhe gjatë kësaj fundjave të qarkullojnë në shumë portale e media online. Por, me sa duket, edhe pas deklaratave të Zanfinës në Express Rozë, Genta nuk ka reaguar derisa e ka lexuar lajmin për të disatën herë dhe ka vendosur të reagojë me anë të një postimi në profilin e saj në Facebook:
“Mos besoni asgjë që thuhet në portale ose TV, nëse s’e kam shkruar këtu ose s’e kam thënë para kamerës. Dëshira për të rritur klikimet, të cilat iu kthehen në më pak se 1 cent për qindra mijëra shikime është më e madhe se kurrë duke mos menduar dy herë dëmet për ata që shkruajnë. Nuk jam unë matëse e famës dhe sukseseve për askënd. Më vjen keq për disa që bijnë pre e thashethemeve dhe bëjnë shkrime e deklarata pa i vërtetuar ato. Adelina Ismaili ka qenë, është dhe mbetet një ndër koleget më të respektuara nga ana ime” – shkruan Genta në Facebook.
Sipas disa mediave, Genta Ismajli, pak kohë më parë ka deklaruar se “koha e Adelinës ka mbaruar! Tani është kohai me”, – deklarata të cilat janë interpretuar në mënyra të ndryshme nga media të ndryshme. E pyetur për këtë, motra e Adelinës, Zanfina, ka dhënë versionin e saj për rastin dhe për deklaratat e këngëtares nga Prishtina.
