Në 2013-tën grupi i njohur i vëllezërve “Jonas Brother” vendosi të ndahej, ndërsa këtë vit u rikthyen sërish, fuqishëm si asnjëherë tjetër. Megjithatë duket se ky rikthim nuk ka qenë gjithmonë pjesë e planeve të tyre, sepse pas ndarjes marrëdhënia mes vëllezërve nuk ka qenë dhe aq e mirë. Në një interviste që pritet të publikohet e plotë ditën e shtunë, Nick Jonas ka treguar se çfarë frike kishte pasi ata vendosën t’i jepnin fund grupit muzikor. “Unë frikësohesha se ata nuk do të më flisnin më kurrë”, ka thënë Nick duke qenë se ai ishte përgjegjës për shpërbërjen e bandës. Ai ka shtuar se nuk ka një shpjegim të thjeshtë për arsyen që çoi në ndarjen e tyre.
“Shumë njerëz po e humbnin dëshirën për ato që ne po publikonim. Ne po bënim koncerte që nuk shiteshin, po bënim muzikë për të cilën ne nuk ishim shumë krenarë. Për këtë arsye unë bëra një bisedë të ashpër me ta dhe ju thashë ‘Unë mendoj se Jonas Brothers nuk duhet të jetë më dhe të nisim rrugëtimin individual”, ka rrëfyer Nick Jonas. Pavarësisht se ndarja e grupit solli probleme të shumta Joe ka treguar se ja vlejti. Megjithatë fatmirësisht tre vëllezërit i lanë pas dramat dhe vendosën të riktheheshin sërish për të gjitha fansat e tyre që e kërkonin prej kohësh këtë ribashkim të tyre. Tre muaj më parë ata publikuan këngën e tyre “Sucker” dhe në qershor pritet të publikojnë edhe një album. /revistawho.com
