Në mars të këtij viti Zayn Malik dhe Gigi Hadid njoftuan ndarjen e papritur. Nëpërmjet postimeve në rrjete sociale ata treguan se janë ndarë pas një vendimi të përbashkët. Por duket se kjo situatë nuk ka zgjatur shumë dhe çifti janë ribashkuar përsëri. Ishte Gigi e para e cila dha lajmin e bukur nëpërmjet një postimi në ‘Instastory’ ku shfaqej duke u përqafuar me Zayn. E tani më në fund, në një intervistë për revistën “GQ”, këngëtari ka folur për herë të parë pas ribashkimit ku ka treguar se është shumë mirënjohës ndaj modeles.
“Jam me të vërtetë mirënjohës që e kam njohur. Tani jemi të rritur dhe nuk kemi nevojë të deklarojmë gjithçka rreth nesh, apo të bëjmë diçka që t’i kënaqim pritjet e njerëzve. Kur isha adoleshent po kaloja në disa vështirësi ndërsa Gigi më ndihmoi t’i shihja gjërat nga një kënd më pozitiv”,- është shprehur Zayn./revistawho.com
