Pas një mungese të gjatë për publikun shqiptar, Elvana Gjata, vendosi të rikthehej pak ditë më parë me anë të një shkrimi në ‘Instagram’, ku shprehu se çfarë kishte ndjerë gjatë gjithë kësaj kohe.
Pas kësaj këngëtarja e njohur vendosi të shfaqej sërish në skenë në një koncert që do të mbahet natën e sotme në Kosovë, me rastin e 11-vjetorit të Pavarësisë.
Para koncertit, Elvana ka dhënë intervistën e saj të parë pas shumë kohësh për gazetarin Alaudin Hamitin në ‘Klan Kosova’ dhe ka zbuluar se ka rezervuar një surprizë për fansat e saj.
Ashtu dhe siç është lënë të kuptohet, Gjata pritet të sjellë një projekt të ri muzikor, por nuk preferoi të flasë shumë për këtë.
Kujtojmë se kënga e fundit e saj ishte një bashkëpunim me këngëtarin Ledri Vula dhe John Shahu, me titull ‘Mike’, i cili rezultoi një sukses i vërtetë./revistawho.com
