Lidhja e saj me inxhinierin e audios, Dan Horton, tërhoqi jo pak vëmendjen e fansave sepse të gjithë menduan se fill pas ndarjes nga i fejuari i saj, Christian Carino, Lady Gaga do të përjetonte një histori dashurie për të cilën u përfol shumë me regjisorin e njohur Bradley Cooper. Megjithatë këngëtarja vendosi të nisë një raport të ri me Dan, me të cilin dhe u fotografua në ambiente të ndryshme duke darkuar apo u puthur.
Megjithatë pas komenteve të shumta në rrjet rreth jetës private të Gaga-s, duket se gjërat nuk kanë shkuar dhe aq mirë. Këtë e ka bërë të ditur vetë Lady, e cila duke ndarë një foto nga festa e martesës së mikes së saj, ka njoftuar dhe statusin në të cilin ndodhet.
“Një grua për t’u martuar dhe unë një zonjush e vetmuar”, ka shkruar këngëtarja në postimin e saj në rrjetet sociale. Në këtë mënyrë ajo i ka njoftuar të gjithë se nuk është më në një lidhje dashurie me Dan.
Kujtojmë se raporti i tyre u zbulua në muajin korrik të këtij viti, atëherë dhe kur u fotografuan për herë të parë duke darkuar në Los Angeles./revistawho.com
