Mick Schumacher, djali i 7 herë kampionit të botës në ‘Formula 1’, Michael Schumacher, është gati t’i bashkohet skuadrës italiane të Ferrarit, duke filluar nga ky sezon.
Mediat italiane kanë bërë të ditur se nuk bëhet fjalë për të pilotuar në garat e ‘Formula 1’, pasi tashmë skuadra italiane i ka zgjedhur pilotët e saj, të cilët do të jenë Charles Leclerc dhe Sebastian Vettel.
Mick Schumacher pritet të bëhet pjesë e ‘Ferrari Driver Academy’ dhe do të jetë një nga dy pilotët që do të garojnë në testet zyrtare të skuadrës italiane.
Lajmi është dhënë dje nga ‘Sky Sports’ dhe ndër të tjera është theksuar, ajo çfarë Arrivabene ka thënë më parë, se dyert e Ferrarit do të jenë të hapura për një nga pjesëtarët e familjes Schumacher./revistawho.com
