Prej 2 vitesh Michael Buble ka kaluar momente shumë të vështira, pasi djali i tij 3-vjeçar u diagnostikua me kancer në mëlçi. Në 2016 vogëlushi ju nënshtrua kimioterapive dhe ja doli ta tejkalonte sëmundjen e rëndë. Për të qëndruar pranë të birit, këngëtari vendosi edhe të shkëputet nga muzika, por tashmë nuk është i sigurtë nëse do të kishte guxim të përballonte sërish të njëjtën gjë.
Për “Pop Culture Beast” ai është shprehur: “Ne ishim në makinë dje dhe pashë bashkëshorten time dhe i thashë: ‘Do të bëje sërish të njëjtën gjë nga e para?’. Më pas ajo u përgjigj: ‘Patjetër që do ta bëja sërish. Nuk do të doja asgjë ndryshe. Ju jeni lumturia ime më e madhe’”, – ka thënë Michael. Më pas ai ka treguar se të dy ranë në një mendje se nuk e dinë nëse janë mjaftueshëm të guximshëm për të përballuar të njëjtën gjë për herë të dytë. Michael Buble dhe partnerja e tij, Luisiana Lopilato, kanë dhe dy fëmijë të tjerë, Elias dhe Vida. /revistawho.com
