Në mediat italiane u përfol se së fundmi ka pasur tension midis çiftit të famshëm Francesco Totti dhe Ilary Blasi. Siç duket futbollisti nuk ka qenë dakord me impenjimin e ri që ka marrë përsipër bashkëshortja e tij prezantuese. Siç ju kemi njoftuar edhe më herët, pas pauzës nga “Le iene” për shkak të lindjes së fëmijës, Ilary do të kthehet sezonin e ardhshëm në ekran si prezantuese e “Big Brother VIP”, që sivjet në Itali do të ketë edicionin e parë. Por duket se mosmarrëveshjet janë sheshuar dhe çifti është nisur për një tjetër “muaj mjalti”. Ja ku shfaqen teksa shijojnë ujin e ngrohtë të detit në Porto Cervo, të lumtur e të qeshur. Ata i kanë lënë fëmijët në shtëpi, ndaj ditët e pushimeve nuk do të jenë shumë.
