Nëqoftëse i hidhni një sy profilit në ‘Instagram’ të Era Istrefit, do të vini re se pothuajse në çdo foto është i pranishëm një koment nga DJ i famshëm, Diplo. Ato i kemi parë shpesh herë së bashku, madje kanë sjellë dhe një bashkëpunim, por sipas “Panorama Plus”, lidhja e tyre është diçka më shumë se miqësore. Kjo lidhje është konfirmuar nga miqtë e tyre dhe e kanë cilësuar atë si diçka tepër serioze dhe mesa duket, dyshja është duke përjetuar një romancë në SHBA, aty ku dhe këngëtarja është duke ndjekur karrierën e saj. Diplo nuk është i martuar, por ka 2 djem me Kathryn Lockhart, nga një romancë që ka filluar në vitin 2009 dhe ka mbaruar në vitin 2014. Kjo lidhje ka qenë diçka që është përfolur shpesh herë nëpër media, ndërsa tani presim ndonjë reagim nga vetë këngëtarja./revistawho.com
