Vitin që lamë pas dy këngëtarët e njohur, Mimoza Shkodra dhe Seldi Qalliu i dhanë fund lidhjes së tyre. Pas ndarjes në media është aluduar shumë për lidhje të re për dy artistët. Pak kohë më parë u tha se Seldi kishte nisur një histori dashurie me vajzën e Sabianit, Kejsin.
Kjo e fundit e ftuar në emisionin “Pasdite në Top Channel” i hodhi të gjitha poshtë, duke u shprehur se Seldi është si vëllai i saj i madh. Ndërkohë vetë këngëtari ka vendosur t’i japë fund njëherë e mirë të gjitha fjalëve dhe të konfirmojë se është ‘single’. Ai ka publikuar në ‘Instagram’ një foto dhe përkrah saj ka shkruar: “Djalë beqar”.
Tani nuk ka më vend për thashetheme, sepse mesa duket për momentin për Seldin dhe Mimozën fokusi kryesor është muzika dhe karriera e tyre. /revistawho.com
