Fill pas ndarjes nga marrëdhënia 10-vjeçare me ish-partnerin e saj, Liam Hemsworth, këngëtarja e njohur, Miley Cyrus nisi një lidhje me Kaitlynn Carter, e cila tërhoqi jo pak vëmendjen e publikut.
Vajzat u panë të shoqëroheshin bashkë në vende të ndryshme, shpesh dhe duke u fotografuar gjatë momenteve intime ku shkëmbenin puthje në publik. Megjithatë 1 muaj pasi ky raport nisi, duket se Cyrus dhe Carter i dhanë fund dhe burime për ‘Hollywoodlife’ kanë zbuluar arsyen e këtij vendimi.
Sipas tyre, Miley vendosi të shkëputet nga Kaitlynn pasi për të ishte një periudhë shumë e ngarkuar dhe kalimi nga njëra marrëdhënie në tjetrën ndikoi jo pozitivisht tek ajo.
Vajzat vazhdojnë të flasin pa pasur probleme apo drama me njëra-tjetrën megjithatë Cyrus është tërhequr nga kjo marrëdhënie për të marrë kohën e duhur për veten. Ndërsa ish-partneri i këngëtares u zhvendos në Australi së bashku me vëllain e tij, për t’u larguar nga zhurma e ndarjes me Miley-n./revistawho.com
