Mbrëmjen e kaluar, në tapetin e kuq të ‘MTV Ama Awards’ parakaluan edhe tre këngëtaret shumë të suksesshme shqiptare Dua Lipa, Rita Ora dhe Bebe Rexha. Pa dyshim ky vit ka qenë i këngëtares Dua Lipa, e cila me këngët e saj ka bërë që emri i saj të jetë në krye të klasifikimeve botërore. Por mbrëmja e djeshme nuk ka shkuar më së miri për Duan. Ajo është renditur ndër personazhet e veshur më keq në tapetin e kuq. Poshtë saj në listë vinin edhe emra të njohur si Heidi Klum dhe reperi Post Malone. Dua u shfaq gjithashtu dhe në skenë duke performuar këngët “One Kiss” dhe “Electricity”. Kjo ishte e vetmja gjë që u komentua pozitivisht për të, përfshirë ngjyrën e verdhë neon që kishte në thonj.
