Pas një periudhe të gjatë mungese në programet shqiptare, reperi i njohur, Mozzik duket se ka vendosur të rikthehet sërish pranë teleshikuesve. Ai ka ndarë pak minuta më parë një video nga prapaskenat e programit ‘Shiko Kush Luan’, krah aktorit të njohur të humorit, Rezart Veleshnja. Mozzik është gjendur aty i rrethuar nga i gjithë stafi i tij, me të cilët ka publikuar disa pamje. Ndonëse disa kohë më parë artisti u shpreh në llogarinë në ‘Instagram’ se nuk i pëlqen të jetë prezent në emisione televizive, por t’i përgjigjet fansave të tij për çdo pyetje që mund të kenë në llogaritë në rrjetet sociale, duket se së fundmi ai ka ndërruar mendje.
Nuk dihet nëse reperi do të prononcohet gjatë programit për të gjithë periudhën e shkëputjes nga Shqipëria për rreth dy vite në Gjermani, apo dhe ndarjen nga mamaja e vajzës së tij, Loredana e cila shkaktoi mjaft zhurmë në media. Megjithatë të gjithëve u mbetet vetëm të presin, derisa çdo gjë të jetë e servirur para teleshikuesve në ekranin e ‘Top Channel’./revistawho.com
