Pas skandalit dhe dramave, Khloe Kardashian kërkon të “vazhdojë jetën e saj”

Dhe njëherë, familja Kardashian-Jenner ia ka dalë të jetë në qendër të vëmendjes, por këtë herë për shkak të trekëndëshit të dashurisë Khloe-Tristan-Jordyn. Çdo ditë që kalon dalin fakte të reja në skenë që tregojnë se tradhtia e Jordyn dhe Tristan është shumë më e thellë se thjesht një puthje apo disa flirte në disko. Megjithatë, pas të gjitha dramave, aludimeve, akuzimeve dhe pas deklaratës publike të Jordyn, Khloe ka vendosur të thotë disa fjalë në lidhje me këtë situatë, për t’i dhënë fund njëherë e mirë. “Kjo ka qenë një javë e tmerrshme dhe e di që të gjithë janë mërzitur duke dëgjuar rreth saj (ashtu si dhe unë vetë). Jam në një rrymë emocionesh dhe kam thënë gjëra që nuk duhet t’i thoja. Sinqerisht, tradhëtia dhe poshtërimi i Tristan ndaj meje, nuk ishte më aq shokuese sa hera e parë”, ka shkruar Khloe në ‘Twitter’. “Çfarë ka qenë më e vështirë dhe e dhimbshme për mua, ishte tradhtia nga dikush kaq i afërt, të cilën unë e kam dashur dhe e kam trajtuar si motër. Jordyn nuk ka faj për ndarjen e familjes time, i gjithë faji është i Tristan. Duhet të vazhdoj me jetën time dhe të numëroj bekimet e mia. Familjen time, shëndetin dhe vogëlushen time True”, ka shtuar ajo. Me këto statuse, Khloe vërtetoi se i ka dhënë fund lidhjes me Tristan, por a do e fali ajo Jordyn?/revistawho.com