Njomza është një nga artistet shqiptare më të reja në industri dhe duket se shpejt do të kthehet në një nga më të pëlqyerat. Ndryshe nga Dua Lipa, Bebe Rexha apo Rita Ora, të cilat kanë shumë vite në këtë industri, Njomza sapo ka nisur karrierën e saj. Që në hapat e para, ajo ka bashkëpunuar me Ariana Granden-n në dy këngët e saj më të suksesshme, ‘Thank U, Next’ dhe ‘7 Rings’, madje dhe është shfaqur pranë saj në videoklipe. Edhe Njomza e ka pranuar me krenari se është me origjinë shqiptare dhe duket se këtë vit do të kthehet në atdhe për të mbajtur një koncert të njohur për publikun shqiptar. Bëhet fjalë për “Sunny Hill”, që do të nisë pikërisht me performancën e këngëtares shqiptare. Ky lajm është dhënë nga faqja zyrtare e festivalit, ku kanë shkruar se Njomza është e ftuara e parë. Kjo do të jetë performanca e parë e Njomzës në Kosovë dhe me siguri, ajo do të pritet shumë mirë nga publiku./revistawho.com
