Pas suksesit të këngës ‘Edhe ti’ e cila erdhi në bashkëpunim me reperen e njohur, Tayna, Mozzik duket se po rezervon një tjetër surprizë për fansat e tij. Me anë të një postimi në ‘Instagram’ reperi ka bërë të ditur se në datën 14 shkurt do të sjellë një tjetër projekt muzikor në gjuhën gjermane për të gjithë ndjekësit e tij jashtë Shqipërisë.
“Për ju që nuk e dini gjuhën gjermane në datën 14 shkurt del projekti i ri në gjuhën gjermane. I tregojmë botës se kush jemi. Për të gjithë shqiptarët që jetojnë në Gjermani, Zvicër, Austri ju lajmëroj që në datë 14 shkurt del projekti i ri në gjuhën gjermane”, ka shkruar artisti krah postimit të tij më të fundit në ‘Instastory’, ku shfaqet në një studio muzikore.
Nuk dihet ende nëse do të jetë një projekt ritmik, baladë apo një dedikim nga jeta private e Mozzikut, por kjo pritet të zbulohet në javët në vazhdim./revistawho.com
