Turjan Hysko është një nga moderatorët me të dashur të publikut shqiptar.
Ai e ka nisur karrierën e tij si këngëtar në grupin ‘Produkt 28’ dhe më pas u pozicionua si moderator në ekranin e “Vizion Plus”, aty ku qëndroi për shumë vite me radhë.
Së fundmi lëvizja e tij mediatike nga televizioni ku ishin mësuar të gjithë ta shikonin, në “Tv Klan”, tërhoqi vëmendjen e gjithë publikut. Në “Klan” ai u shfaq në emisionin ‘Duplex’ dhe ‘Familja’.
Pas një sezoni të suksesshëm të ‘Familja’, ai ka vendosur që këtë herë ta sjellë në një format të ri. Në këtë format do të ndeshen familjet nga rrethet e Shqipërisë në 12 qarqe. I gjithë programi do të realizohet në formë kampionati dhe në fund do të shpallet qyteti fitues. Lajmin e ka bërë të ditur vetë Turi nëpërmjet një postimi në ‘Instagram’ ku fton ndjekësit e tij të bëhen pjesë e emisionit.
Pas suksesit te formateve të mëparshme të drejtuara nga Turjan Hysko, pritet që dhe ky të fitojë vëmendjen dhe dashurinë e publikut./revistawho.com
https://www.instagram.com/p/BsqPgLIgzAo/
