Drake po sqaron më në fund debatin rreth trupit të tij. Reperi 38-vjeçar ishte i ftuar në podcast-in “Not This Again” me Bobbi Althoff për t’iu përgjigjur spekulimeve që e kanë ndjekur për muaj të tërë. Një foto e tij në qershor, ku shfaqej me bark të tonifikuar, u bë virale dhe ndezi pyetjet nëse ai kishte bërë ndërhyrje kozmetike apo kishte përdorur Photoshop.
Kur Althoff e pyeti nëse kishte bërë një “abdominal etching,” një procedurë për të theksuar muskujt e barkut, Drake e mohoi menjëherë çdo ndërhyrje kirurgjikale. Ai qeshi edhe me thashethemet për BBL (Brazilian Butt Lift). “Disa njerëz më thërrasin ‘BBL Drizzy,’ tha ai.
Megjithatë, ai pranoi se e kishte edituar pak foton. “Sapo dola nga palestra, isha i djersitur në atë foto… ndoshta rrita pak saturacionin ose diçka të tillë. Mendoj se e teprova pak,” pranoi ai.
Drake siguroi fansat se muskujt e tij janë kryesisht rezultat i stërvitjes dhe disiplinës, jo i magjisë së Photoshop-it apo ndërhyrjeve kirurgjikale. Ai foli gjithashtu edhe për thashethemet e vitit të kaluar për BBL-në dhe përdorimin e steroideve.
“Fatkeqësisht muskujt e mi janë të vërtetë! Kam respekt për komunitetin e djemve me muskuj fals, secili me stilin e vet, por gjëja me të cilën më vjen të qesh është se mua kështu më krijoi Zoti,” tha ai me humor.
