Reperja Tayna, ditën e djeshme pati një reagim të ashpër kundër shtetit kosovar për shkak të lajmeve lidhur me censurimin e këngëve që promovojnë lëndët narkotike. Ky lajm bëri bujë sigurisht, pasi dëmton një pjesë të madhe të artistëve. Menjëherë pas kësaj deklarate, Valdrin Sahiti ka publikuar në ‘Instastory’ një foto të vëllait të tij, Dekorim Sahiti dhe në të njëjtën kohë menaxherit të ‘Babastars’. Siç duket, Dekorimi ka dhënë një intervistë mbi këtë temë dhe Valdrini e ka mbështetur plotësisht atë.
“Hipokrizia s’ka kufi. Arrijnë deri në pikën ku ‘intelektualët’ kosovarë, për të 100 herë provokojnë naivitetin e popullit dhe shfrytëzojnë mosdijen si armë për t’u përfolur në masë. Pyete pak zotërinë, a është i njoftuar për shkallën e analfabetizmit në Kosovë? Pyete pak për të drejtën autoriale? Plagjiaturën? Ligjin e sponsporimit? Foli pak turpit, për shkollën tonë sot, përgatitjen e profesorëve, planaprogramet, mësimi tereditor. Tregojini zotërisë se morali fals ka marrë fund. Tregojini pak që artistët në Kosovë janë i vetmi komunitet që ja vlen, të vetmit që nuk kanë dorë në korrupsion, e nuk jetojnë nga taksapaguesit. Mos harroni t’i tregoni që fëmijët që ai do aq shumë dhe kolegët e tij, të vetmit atraksion ndër vite, kanë qendrat tregtare. Ju, edukimi, dëshira e mirë për të ardhmen.. S’kam koment”. Nuk e dimë nëse do të ketë reagime të tjera nga artistët kosovarë, por mesa duket kjo temë i ka prekur të gjithë./revistawho.com
