Pak kohë më parë në mediat rozë, për shkak të një kënge të Pusha T, doli lajmi se reperi i njohur Drake ishte baba i një djali. Megjithatë vetë këngëtari vendosi të heshtë dhe të tregojë se si qëndron e vërteta përmes artit. Ditën e djeshme ai ka publikuar në ‘Apple Music’ albumin e tij më të ri ‘Scorpion’ dhe aty ka pranuar për herë të parë se është bërë baba.
Në një nga këngët e tij, ‘Emotionless’ ai thotë: “Nuk isha duke fshehur fëmijën tim nga bota. Isha duke fshehur botën nga fëmija im”. Më tej reperi konfirmon se djali i tij ka lindur në 11 tetor dhe tregon se ka festuar në Miami kur testi i ADN-së zbuloi se ai ishte babai i fëmijës. Megjithatë duket se tashmë ai nuk ka marrëdhënie aspak të mirë me nënën e djalit të tij dhe fëmijën e ka takuar vetëm njëherë gjatë kohës së Krishtlindjeve. /revistawho.com
