Është vetëm 22-vjeç por sukseset e saj janë të padiskutueshme. Këngëtarja me origjinë shqiptare Dua Lipa do kalojë në një tjetër dimension të karrierës së saj pasi do të këndojë kolonën zanore të filmit “James Bond”.
Muaj më parë u përhapën fjalë lidhur me këtë vendim, por tashmë është zyrtare dhe këtë gjë e ka pranuar vetë regjisori i filmit Danny Boyle.
“Dua ishte pretendentja jonë kryesore që në fillim të projektit të radhës së ‘Agjentit 007’, për të cilin deri më tani kemi punuar në titullin “Bond 25”, dedikuar prodhimit të 25-të, ndër vite të agjentit James Bond. Skenari është drejt fundit dhe Richard Curtis ka bërë një punë të mrekullueshme mbi të.”-ka thënë Boyle.
Dua Lipa i bashkohet kastit së këngëtarëve me famë botërore që kanë kënduar kolonën zanore të këtij filmi, duke filluar me Louis Armstrong, Paul McCartney, Tom Jones, Nancy Sinatra, Adele, Madonna, Duran Duran, Tina Turner Alicia Keys dhe Sam Smith.\revistawho.com
