Largimi i Turjan Hyskos nga “Vizion Plus” ishte një lajm i papritur për të gjithë. Ai së bashku me aktorët e “Apartamenti 2xl” u larguan drejt televizionit “Klan” për të shfaqur aty emisionin e humorit “Duplex”. Por duket se pas tij në këtë televizion do të zhvendoset edhe bashkëshortja Orinda Huta, e cila po përflitet për largimin nga ‘Vizion Plus’, televizioni ku punon prej vitesh.. Sipas burimeve të “Gazetës Express “ Orinda do të jetë këtë sezon televiziv në ‘Klan’ dhe pikërisht në jurinë që do të gjykojë artistët e rinj në festivalin e muzikës së lehtë shqiptare “Kënga Magjike 2018”.
Orinda ishte moderatore dhe autore mjaft e rëndësishme e disa programeve në “Tring” dhe “Vizion Plus”./revistawho.com
