Pas një videoje që u bë virale brenda orësh në rrjetet sociale, Stresi shihet në një moment të ngrohtë me Jozin, duke pranuar një gjest afeksioni publikisht. Në video, ai dëgjohet duke thënë: “I kam vëllezër çunat e Fushë-Krujës, edhe ty të kam vlla,” pasi Jozi e pyet: “Çfarë i ke çunat e Fushë-Krujës?” dhe më pas i kërkon ta puthë në faqe, thuajse si një urdhër, gjë që me sportivitet Stresi e pranon.
Ky afrim befasues erdhi pak muaj pasi Stresi kishte postuar video fyese kundër Jozit dhe rrethit të tij, në mbështetje të Gjestit gjatë kohës që ky i fundit ishte ende brenda shtëpisë së BBVIP. Pikërisht për këtë arsye, videoja e fundit u prit me shumë habi nga ndjekësit.
Por “prapaskena” nuk vonoi. Stresi reagoi duke sqaruar që e gjithë situata ishte thjesht një shaká e planifikuar për të promovuar një projekt muzikor të përbashkët me Jozin: *“Ishte një ‘prank’ që i paraprin një projekti muzikor,”* tha ai.
Ndërkohë, në heshtje por me një lëvizje që nuk u shpëtoi ndjekësve të vëmendshëm, Gjesti vendosi të mos ndjekë më Stresin në Instagram. Ky veprim ka ngritur shumë pikëpyetje për raportin aktual mes tyre, sidomos kur kujtojmë se pas daljes nga formati, Gjesti kishte shprehur publikisht mirënjohjen për mbështetjen që Stresi i kishte dhënë gjatë qëndrimit në BBVIP.
Nga ana tjetër, Stresi vazhdon ta ndjekë Gjestin në Instagram… të paktën deri tani.
A është kjo një “reaksion emocional” ndaj bashkëpunimit me Jozin? Apo thjesht një strategji për të mbajtur distancë? Rrjetet po zjejnë nga spekulimet, dhe ndoshta përgjigjja do vijë shumë shpejt — në këngë, story apo një tjetër “prank”.
