Pas përfundimit të lidhjes trevjeçare mes aktores turke Hande Erçel dhe biznesmenit të njohur Hakan Sabancı, rrjetet sociale dhe mediat rozë janë mbushur me aludime e teori rreth shkaqeve të ndarjes së papritur.
Në qendër të zërave ka qenë shpesh nëna e Hakanit, Arzu Sabancı, për të cilën shkruhet se nuk e ka pranuar kurrë seriozisht lidhjen e të birit me aktoren.
Megjithatë, Hakan Sabancı vendosi të qartësojë situatën me një reagim publik, duke mohuar kategorikisht çdo thashethem për tradhti. Ai i quajti këto lajme krejtësisht të pabazuara.
Ndërkohë, sytë e të gjithëve ishin te Hande Erçel. Ajo u shfaq mbrëmë në një event festiv, ku gazetarët nuk hezituan t’i bëjnë pyetje rreth ndarjes. E kapur në befasi, aktorja reagoi shkurt:
“Nuk do të flas, miq. Nuk do të flas këtu,” – tha ajo, duke e bërë të qartë se nuk dëshiron të ndalet publikisht në këtë moment mbi jetën e saj private.
Romanca e tyre, e cila dikur dukej se po merrte një drejtim serioz dhe të përbashkët për të ardhmen, tashmë ka marrë fund, duke lënë pas shumë pikëpyetje e komente nga publiku.
