Një nga yjet më të pazakonshme në galaktikën tonë, KIC 8462852, ka qenë objekt i madh interesi përgjatë muajve të fundit.
Interesimi në këtë yll, që është 1,400 vite-dritë larg, filloi tetorin e kaluar kur shkencëtarët e Yale gjetën lëvizje të pazakonshme në dritën e tij.
Që nga atëherë kanë filluar të dalin teori të cilat sugjerojnë se lëvizjet në dritën e tij janë duke u shkaktuar nga një strukturë e madhe aliene, transmeton Gazeta Express.
Por misteri i asaj se çfarë po e shkakton këtë duket se do të zgjidhet së shpejti, pasi ka nisur një fushatë për ta hulumtuar më mirë këtë yll.
Fushata në Kickstarter, e filluar në maj të këtij viti nga Universiteti Yale, ka rritur tani qëllimin e tij prej 100,000 dollarësh.
Projekti po shpreson që të hetojë ‘yllin më misterioz në galaktikë’ për të gjetur strukturën e madhe aliene, thuhet në faqen e Kickstarter.
