Futbollisti portugez Ruben Neves ka reaguar fuqishëm ndaj artikullit të revistës portugeze TV Guia, e cila sugjeroi një mundësi lidhjeje mes tij dhe Rute Cardoso, gruaja e të ndjerit Diogo Jota.
Në kopertinën e revistës, titulli ishte:
“Ruben Neves dhe Rute ribashkohen pas vdekjes. Si e mbështet e veja e Diogo Jota mikun e tij më të afërt.”
Ky artikull shkaktoi një valë reagimesh në rrjetet sociale. Një përdorues komentoi:
“Në vendin e tyre, do të padisja këtë revistë të pistë. Një grumbull idiotësh që nuk respektojnë asgjë.”
Lajmi u bë viral, duke u shpërndarë mbi një milion herë.
Ruben Neves, i martuar prej më shumë se 11 vitesh me Debora Lourenço, reagoi përmes një postimi në Instagram:
“Gjithmonë kam besuar te e mira tek njerëzit. M’u tha të mos e bëja këtë, gabova. Nuk dëshiroj të dëmtoj askënd. Personi që vendosi këtë foto në kopertinë nuk meriton të jetë i lumtur, ashtu siç kjo zgjedhje nuk ishte e lumtur. Unë dhe gruaja ime kemi një familje të shëndetshme dhe të lumtur. Bëmë më të mirën për të ndihmuar Ruth dhe familjen e saj.”
Ai përfundoi:
“Zgjedhja e kësaj fotoje është po aq e pafat sa personi që e zgjodhi dhe personi që e publikoi.”
Ky reagim vjen pas tragjedisë ku Diogo Jota dhe vëllai i tij humbën jetën në një aksident tragjik në Spanjë.
