Pak ditë më parë me anë të një postimi në ‘Instagram’, Bebe Rexha ndau me të gjithë një shqetësim të saj. Ajo tregoi se shumë stilistë nuk kishin pranuar ta vishnin për natën e ndarjeve të çmimeve “Grammy”, sepse ajo është e shëndoshë. Këngëtarja me origjinë shqiptare foli me tone të ashpra ndaj tyre dhe dha një mesazh për të gjitha gratë. “Fuqizojini femrat të duan trupat e tyre, në vend që t’i bëni të ndihen më pak se masa e tyre. Ne jemi të bukura në çdo masë. E vogël apo e madhe! Dhe masa ime 8 gjithsesi do të shkojë në Grammy”, – shkruajti Bebe.
https://www.instagram.com/p/Bs58lMqHtrk/
Pas saj vendosi të reagojë edhe Demi Lovato, duke e mbrojtur publikisht kolegen. “Të dua ty që fole dhe përdore zërin tënd”, – ka shkruar Demi në një postim në ‘Twitter’. Kjo nuk është hera e parë që Demi del në mbrojtje të grave që nuk ndihen mirë për shkak të “rregullave” të vendosura nga shoqëria për t’u dukur të bukura. /revistawho.com
