Gjatë finales së ‘Eurovision’ dhe qëndrimit të saj në Izrael, Eleni Fouireira bëri një test trashëgimie, i cili zbulonte disa detaje interesante të prejardhjes së saj. Sipas këtij testi, Eleni ishte 68.9% me origjinë greke, ndërsa pjesa tjetër me origjinë nga jugu i Italisë. “Italiane? Nuk e kisha idenë! Jam pothuajse 70% greke? Unë nuk jam greke, unë jam rritur në Greqi, por ndihem greke. Nga Italia Jugore? Nuk di çfarë të them…”, është shprehur këngëtarja e surprizuar nga rezultatet. Ashtu si vetë Eleni, të gjithë shqiptarët u habitën nga ky rezultat, ndërsa Eva Murati i bëri asaj një pyetje: “Performancë e shkëlqyer, por greke dhe italiane? A s’je shqiptare?”. “Sigurisht që jam, por ishte testi i ADN-së, trashëgimia ime”, ia ka kthyer Eleni. Kujtojmë se ajo mori pjesë në ‘Eurovision’ para 2 vitesh dhe u rendit në vendin e dytë me këngën ‘Fuego’./revistawho.com
https://www.instagram.com/p/BxpF2Nvi3jZ/?igshid=qc07zlyb2mtx
