Ditët e fundit ka pasur zhvillime të shumta në futbollin shqiptar, të cilat kanë shkaktuar jo pak reagime në rrjete sociale. Kombëtarja e Kosovës arriti të fitonte në përballjen me Republikën Çeke, ndërsa ajo shqiptare humbi në ndeshjen me Francën. Pas fitores së Kosovës të gjithë personazhet e njohur shprehën entuziasmin, por kjo gjë i duket fallcitet presidentit të FSHF-së, Armando Dukës. Në një postim në ‘Facebook’ ai ka akuzuar të gjithë VIP-at shqiptarë se i mbështesin kombëtaret e Kosovës dhe Shqipërisë vetëm në ditët e tyre më të mira.
Këngëtari i njohur Blero nuk e ka pritur mirë këtë koment nga ana e Dukës, ndaj ka vendosur të reagojë publikisht përmes një postimi në ‘Instagram’. Ai ka publikuar një foto në të cilën tregon se që në vitin 2014-të ka shkruar se do të jetë tifoz i përjetshëm i Kosovës. Bashkangjitur fotos Blero ka shkruar: “Zoti Armando Duka ke dal huq me atë postimin tënd në ‘Facebook’. Më vjen keq pse duhesh të merresh me këtë çështje kur nuk ja ke idenë sa e përkrahim ne ‘VIP-at’ Kosovën dhe Shqipërinë. Merru me punën tënde se nuk të takon ty të flasësh në këtë nivel. P.s. këshill ishte”.
Blero ka qenë ndër të vetmit personazhe të njohur që ka reaguar për këtë deklaratë të Dukës, edhe pse pjesa më e madhe e tyre kanë treguar në çdo kohë se janë krenar për Shqipërinë e Kosovën. /revistaeho.com
