Producenti Jermaine Dupri në një intervistë të dhënë për revistën ‘People’, ju kundërvu ashpër repereve Niciki Minaj dhe Cardi B duke i quajtur ato striptiste. Menjëherë pas kësaj deklarate, Nicki ka reaguar me anë të një videoje në ‘Instagram-in’ duke i dalë kundër producentit. Ajo shtoi gjithashtu se bën rep për veten e saj dhe pohoi se ka repere të tjera që kanë një stil tërësisht ndryshe dhe nuk mbështeten nga askush.
Pas këtij momenti një fans ka reaguar negativisht duke thënë se Minaj nuk i mbështet artistët e tjerë ashtu si Cardi B. Kaq ka mjaftuar që reperja ta humbasë toruan dhe të ofendojë pa ndaluar.
Ajo ka vazhduar të reagojë edhe në ‘Twitter’ duke ju kundërvënë të gjithë atyre që kanë shprehur mendimin se ajo nuk i suporton reperet e tjera. Kujtojmë se kjo nuk është hera e parë që 36-vjeçarja vihet në qendër të vëmendjes për shkak të konflikteve të ndryshme në rrjet./revistawho.com
