Kim Kardashian pak kohë më parë ka pranuar se ajo punon vazhdimisht shumë fortë në palestër, që të mos fotografohet sërish nga fansat apo ‘paparazzi’ nga një kënd i padëshiruar. Ajo ka zbuluar se punon me një trajnere personale fitnessi, duke qenë se fansat e kritikuan për shfaqjen e saj me bikini vitin e kaluar. Por këtë vit vihet re një ndryshim shumë i madh në trupin e yllit të ‘Kepping Up With The Kardashians’. Në fotot e publikuara në ‘Instagram’ trupi i saj duket shumë i formuar dhe i tonifikuar.
Vitin e kaluar pasi u shpërndanë shumë fotografi të saj në rrjet dhe pjesa më e madhe e fansave filluan të ofendonin, Kim nuk i priti fare mirë komentet prandaj vendosi të ndryshonte. “Definitivisht nuk isha në formën time më të mirë. Nuk kisha shkuar në palestër për 12 javë. Nuk po ndihesha vetvetja dhe prandaj vendosa të ndryshoj”, – ka thënë Kim në një episod të “Keeping Up With The Kardashians”. /revistawho.com
