Bes Kallaku, Erion Isai dhe Olsi Bylyku në shtator të 2018-tës nisën misionin e tyre në e “E diela shqiptare” si ideator dhe drejtues të një rubrike të re “BE Coffee”. 3 aktorët kishin në qendër të rubrikës humorin dhe skeçet dhe gjatë gjithë sezonit i tejkaluan pritshmëritë e publikut. Megjithatë tashmë nuk dihet se çfarë do të ndodhë në të ardhmen me “BE Coffee”, pasi burime për “IndeksOnline” kanë mësuar se Erioni ka hequr dorë.
Kjo ka ardhur si pasojë e kandidimit të Isait për kryebashkiak në Kolonjë dhe fitimit të zgjedhjeve në këtë bashki. Aktori i humorit arriti të merrte votat e qytetarëve dhe shumë shpejt pritet që të nisë punën e re. Sipas “IndeksOnline” Erioni ka përfunduar më parë edhe xhirimet e pjesëve më të mira të “BE Coffee” dhe se ka ndërprerë marrëdhëniet zyrtarisht me televizionin “Klan”. Isai së bashku me familjen e tij u largua për në Kolonjë që nga dita kur shpalli kandidimin dhe tashmë do i përkushtohet plotësisht punës si kryebashkiak. Ndërsa tani nuk dihet se çfarë do të ndodhë me “BE Coffee”, por gjithçka pritet të zbulohet në muajt në vazhdim. /revistawho.com
