Pasi hyri në dhomën e hotelit të Justin Bieber, gruaja bie në pranga

Së fundmi Justin Bieber është përballur me një situatë aspak të këndshme. “TMZ” ka raportuar se mbrëmjen e djeshme një grua ka hyrë në dhomën e hotelit të Justin dhe më pas është arrestuar. Burimet kanë treguar se gruaja është endur gjatë ditës në korridoret e hotelit, derisa rojet e panë dhe e larguan. Megjithatë ajo është rikthyer sërish më vonë dhe ka hyrë në dhomën e Justin. Gjithsesi burimet kanë zbuluar për “TMZ” se këngëtari nuk është trembur, por vetëm i ka kërkuar gruas në fjalë të largohet përpara se të vinte shërbimi i sigurimit dhe ta kapnin. Ndërsa gruaja ka thënë se kishte hyrë në dhomë gabimisht, por ajo ka përfunduar në pranga. Ndërkohë ditën e djeshme Justin reagoi keq kundër një fansi që thoshte se nuk e donte Hailey-n dhe pranoi se vazhdon të dojë Selena Gomez, por thjesht si mike. /revistawho.com