Në profilin e saj në ‘Instagram’ Kendall Jenner publikoi një letër dashurie që i konfuzoi të gjithë fansat. Në të shkruhej: “E dashur Kendall, ne mund të jemi shumë larg njëri-tjetrit, por dashuria ime bëhet më e fortë çdo minutë. Ndjenja ime më e pastër është dashuri për ty. Do të dua deri sa vdekja të na ndajë. Për momentin kjo ndarje po më vret, por në zemrën time e di që asgjë nuk mund të na ndajë. Ne jemi të bashkuar përgjithmonë, trup dhe shpirt dhe dua të dish se të dua nga thellësia e zemrës time”. Kur lexuan të gjithë rreshtat, fansat e modeles ishin të bindur se e kishte shkruar Harry Styles.
Për të lënë gjithçka mister, Kendall e fshiu emrin e dërguesit, por nuk arriti ta mbante të fshehtë për një kohë të gjatë. Ajo publikoi sërish letrën me nënshkrimin “M+M” dhe kjo i referohej dy fotografëve të saj Mert Alas dhe Marcus Piggott, që janë të njohur si Mert&Marcus.
“Përpjekje e bukur admiruesit e mi sekret”, – ka shkruar Kendall bashkangjitur fotografisë së letrës. /revistawho.com
