Justin Timberlake ka qenë në qendër të vëmendjes mediatike së fundmi për shkak të një ngjarje që ka lidhje me jetën e tij private. Artisti u fotografua para pak kohësh duke shtrënguar duart me kolegen e filmit “Palmer” dhe u vu re se ai nuk kishte as unazën e martesës. Duke qenë se fotot u komentuan gjatë, Justin vendosi të sqarohej publikisht. Ai tregoi se mes tij dhe aktores Alisha Wainwright nuk kishte ndodhur asgjë dhe Justin i kërkoi falje bashkëshortes e familjes së tij. Ndërkohë së fundmi Timberlake është shfaqur për herë të parë në publik pas kësaj ngjarje dhe ai dukej shumë i zymtë në fytyrë. Artisti u pa duke bërë ‘crossfit’ në New Orleans ditën e enjte dhe u vu re se ai kishte sërish në gisht unazën e martesës.
Kjo nënkupton se martesa e tij me Jessica Biel vazhdon po njësoj, sepse bashkëshortja e ka pranuar faljen e tij. Disa burime për “E! News” thanë se Jessica është e bindur që ai nuk e ka tradhëtuar me Alisha, prandaj ka vendosur që të vazhdojë të ruajë marrëdhënien me Justin. /revistawho.com
