Pak ditë më parë, Eni Koçi vendosi të bënte një ndryshim jo të vogël në ‘look-un’ e saj duke u kthyer nga një bionde e përhershme në një vajzë më flokë të kuqe. Ky ndryshim u komentua menjëherë nga ndjekësit e 23-vjeçares, të cilët e cilësuan bukuroshen si një vajzë të guximshme. Mirëpo ndonëse nuk ka kaluar shumë kohë nga ky ndryshim, Eni duket se ka vendosur të ndryshojë sërish pamje dhe kësaj here të kthehet me flokë ngjyrë rozë.
Ajo ka publikuar pak më parë në llogarinë e saj në ‘Instastory’ disa video ku shfaq ndryshimin më të fundit, krah së cilave ka shkruar se ndihet e lumtur që ka realizuar çdo eksperiment dhe se e pëlqen pafund këtë ngjyrë.
Mesa duket Eni do të vazhdojë të ndryshojë nuancën e flokëve dhe me siguri do t’i surprizojë të gjithë fansat me zgjedhjet e saj./revistawho.com
