Personave publikë shpesh ju ndodh që t’ju vjedhin profilet e tyre zyrtare në rrjetet sociale. Këtë herë ka qenë Iva Mera ajo e cila është përballur me këtë situatë jo fort të këndshme, pasi jo vetëm që i kanë vjedhur ‘Facebook’-un por kanë dërguar edhe mesazhe tek miqtë e saj. Lajmin e ka bërë të ditur vetë moderatorja e cila pasi ka rimarrë profilin e saj, ka bërë një reagim ku i drejtohet me keqardhje personit që bëri veprimin e pahijshëm.
“Më vjen keq për ty… se je i/e vogël…Pas një nate të lodhshme ( me një fëmijë të vogël) zgjohem në mëngjes nga mesazhet e miqve të mi, të cilët më lajmërojnë për një mesazh të dërguar nga adresa ime në orët e vona të natës duke më lënë të kuptoj qartë që adresa ime (facebook/yahoo)ishte vjedhur! E vetmja ndjesi që pata ishte keqardhja! Me vjen keq për ty o njeri që harxhon kohë nga jeta jote, nga ditët e tua, nga orët e tua për të klikuar e munduar veten për të parë se çfarë bëj unë apo kushdo tjetër që ti tenton të futesh në privatësi”. /revistawho.com
