Pak ditë më parë Kim Kardashian publikoi një fotografi të djalit të saj të sapolindur, Psalm. Ajo zbuloi dhe emrin e tij dhe fotoja e vogëlushit dukej shumë e ëmbël. Megjithatë fotografia ka shqetësuar një numër të madh fansash të çifitit të njohur dhe i kanë paralajmëruar se duhet të tregohen shumë të kujdesshëm me djalin.
Disa prej tyre kanë shkruar se gjithë ato batanije dhe mbulesa të panevojshme rrotull krevatit të vogëlushit mund t’i shkaktojnë shumë probleme, madje çojnë në vdekje të parakohshme të fëmijës. Njëri prej ndjekësve shkruan në rrjete sociale: “Urime! A është shqetësuar ndonjë tjetër për gjithë ato batanije dhe mbulesa? Akademia Amerikane e Pediatrisë rekomandon mbajtjen e krevatit pa batanije dhe jastëkë derisa fëmija të jetë 12 muajsh, pasi mund të krijojnë rrezik mbytje”. Reagimet nga ana e fansave ishin të shumta dhe disa prej tyre shpresonin që mbulesat e të krevatit të ishin vetëm sa për shkrepjen e fotografisë. Djali i Kim Kardashian dhe Kanye West erdhi në jetë në 10 maj nga një nënë surrogate. Ai është fëmija i katërt pas North, Saint dhe Chicago. /revistawho.com
