Përpara pak kohësh në të gjitha mediat qarkulloi lajmi se David dhe Victoria Beckham po shkonin drejt ndarjes. Këto thashetheme duket se e mërzitën shumë stilisten e famshme dhe prandaj në mënyrë të ashpër ajo i mohoi të gjitha. Ata të dy kanë rreth 19 vite të martuar dhe gjithmonë në publik janë shfaqur shumë të lumtur pranë njëri-tjetrit.
Por pasi i mohoi të gjitha, Victoria Beckham u shfaq për herë të parë në publik, por ndryshe nga herët e tjera shumë e zymtë në fytyrë. Ajo është fotografuar në një nga rrugët e Londrës, ndërkohë që bashkëshorti i saj është nisur në një udhëtim biznesi në Miami.
Megjithatë gjatë kohës që qarkulluan këto thashetheme, Victoria së bashku me familjen e saj kanë shijuar disa momente shumë të këndshme pranë njëri-tjetrit. Madje për të përforcuar më shumë mendimin se ata janë familje e fortë, të gjithë Beckham do të pozojnë për herë të parë së bashku në kopertinën e revistës ‘Vogue’. /revistawho.com
