Ditën e djeshme u bë i ditur lajmi i trishtë se një nga basketbollistët më të suksesshëm amerikanë, Kobe Bryant dhe vajza e tij 13-vjeçare humbën jetën në një aksident tragjik me helikopterin ku ata udhëtonin.
Kobe la pas bashkëshorten dhe 3 fëmijët e tjerë të tij, të cilët e kanë përjetuar shumë keq lajmin e humbjes së më të dashurve të tyre. Sipas mediave të huaja, vajza e madhe e Bryant, Natalia, kur mori vesh lajmin e hidhur pati probleme me frymëmarrjen për shkak se ajo është mjekuar nga astma dhe më pas përfundoi në spital.
Nga ana tjetër mediat kanë treguar se zemra e bashkëshortes së Kobe, Vanesës u thye në mijëra copa kur mori vesh lajmin.
Pas këtij momenti të trishtë, të gjithë personazhet e njohur kanë shprehur keqardhjen e tyre dhe i kanë qëndruar pranë familjes Bryant në ditët më të vështira./revistawho.com
