Moderatorja e njohur, Arbana Osmani ka ndarë gjatë këtyre ditëve momente të ndryshme duke gatuar në shtëpinë e saj. Ajo çfarë ka tërhequr vëmendjen e ndjekësve ka qenë fakti se Osmani ka qëndruar gjithë kohës zbathur, ndaj dhe moderatorja i ka sqaruar të gjithë me anë të një postimi.
“Jo nuk vesh kurrë as çorape e as shapka në shtëpi. Jo, nuk ftohem dhe po, patjetër që mami sa herë më sheh, më vjen me nga një palë shapka nga mbrapa që përfundon i vesh vetë. Nuk e di pse ju dukem juve e dobët, kur më pyesni me këto që gatuan si nuk shëndoshesh. Gjithsesi flasim kur të dalim që këtej”, ka shkruar Osmani krah postimeve në ‘Instastory’.
Më pas ajo ka publikuar dhe një pjesë të bisedave me mamanë e saj, e cila e ka qortuar për formën e ëmbëlsirave.
Arbana i ka pohuar se nuk do i japë asnjë copë pas këtyre komenteve duke shkaktuar të qeshura tek ndjekësit e saj.
Kujtojmë se moderatorja ka treguar se është vetëizoluar prej disa ditësh, duke u kujdesur për njerëzit e saj më të dashur dhe të tjerët perreth./revistawho.com
