Para pak javësh futbollisti i njohur i “Real Madrid”, Vinicius Junior shprehu hapur pëlqimin për këngën e Taynës, “Sicko”. Ai publikoi në ‘Instagram’ një pjesë nga kënga e reperes shqiptare dhe e përmendi atë në postimin e tij.
Siç duket tashmë Vincius është një nga fansat e Taynës dhe këtë gjë e ka treguar përmes një kërkese publike që i ka bërë asaj. Reperja shqiptare ka bërë sot një intervistë virtuale me ndjekësit në ‘Instagram’ dhe me këtë rast futbollisti i ‘Real Madrid’ i ka kërkuar të mbajë një koncert në Brazil. “Dua një spektakël në Brazil”, i ka shkruar ai këngëtares. “Organizoje ti pra”, i ka thënë Tayna dhe i ka bërë tag përkrah përgjigjes.
Vinicius Junior është me origjinë nga Brazili dhe prandaj ai kërkon që reperja të mbajë një koncert në vendin e tij.
Duke qenë se tashmë Tayna i ka kaluar kufijtë shqiptarë të famës nuk do të ishte çudi nëse një ditë do organizonte një koncert jashtë trojeve me fansat e saj të huaj. /revistawho.com
