Pasi tha se do të tërhiqej nga muzika, Nicki Minaj i befason të gjithë me surprizën e fundit

Muajin e kaluar Nicki Minaj përmes një postimi në “Twitter” deklaroi se do të tërhiqej nga muzika për të krijuar një familje. Por mesa duket kjo nuk do të ndodhë, të paktën për momentin, sepse reperja ka zbuluar se shumë shpejt do të publikojë një projekt të ri. Gjatë një interviste për “Entertainment Tonight” reperja ka pohuar se po punon për një këngë me Adele. Kur u pyet nëse ato do të bashkëpunonin me njëra-tjetrën, Nicki u përgjigj: “Po dhe po, po dhe po! Por Adele më bëri të betohem se nuk më lejohet t’i them askujt që jam duke punuar me të. Ne kemi xhiruar një video tashmë. Dhe është një këngë epike!”. Përveç duetit me Adele, është paralajmëruar se Minaj do të bashkojë forcat me Ariana Grande dhe Normani për një këngë për filmin “Charlie’s Angels”. Tashmë të gjithë fansat po presin me padurim publikimin e këngës së Nicki dhe Adele, duke qenë se dhe kjo e fundit ka treguar disa herë se është shumë e aftë edhe në muzikën rap. /revistawho.com