Marrëdhënia e modeles Bella Hadid me këngëtaren Selena Gomez ka qenë gjithmonë në qendër të vëmendjes së mediave, për shkak se kjo e fundit pati një lidhje disa mujore me ish-të dashurin e Bella-s, The Weeknd. Pas shumë spekulimeve, duket se vajzat gëzojnë një marrëdhënie shumë normale me njëra-tjetrën dhe se tashmë nuk ndikohen më nga e shkuara e tyre.
Në fillim të këtij muaji, Gomez vendosi të ndiqte në ‘Instagram’, Hadid, duke i konfirmuar dhe njëherë të gjithëve se cdo problem midis tyre kishte mbetur në të kaluarën.
Së fundmi Bella ndau me ndjekësit një foto të sajën, ku nuk mungoi komenti edhe nga Selena e cila i shkroi se shkëlqente. Ajo çfarë i ka çuditur të gjithë ka qenë veprimi i modeles, e cila pas këtij komplimenti vendosi ta fshinte foton nga rrjetet sociale.
Nuk dihet nëse e gjitha kjo është thjesht një rastësi, apo vërtetë Bella nuk ka dashur t’i përgjigjet komentit të Selenës, megjithatë fansat kanë nisur menjëherë të spekulojnë se gjithçka lidhet me të shkuarën e tyre./revistawho.com
