Në premierën e filmit ‘2 Gisht Mjaltë’, Olsi Bylyku u fotografua krah një vajze brune, e cila u tha se ishte e dashura e tij. Më parë aktori i humorit kishte deklaruar se ishte beqar, por pas fotove ai u kontaktua nga ‘RevistaWho.com’ dhe u shpreh se nuk donte të jepte asnjë deklaratë, pasi vajza, e cila quhet Egli, nuk donte të prononcohej. Mirëpo, mesa duket gjërat kanë ndryshuar. Olsi ka publikuar vetë një foto në ‘Instastory’, ku duket me vajzën në fjalë. Ai nuk ka zbuluar asnjë detaj tjetër, megjithatë me këtë veprim mund të themi se kemi një çift të ri në showbiz. Kujtojmë se përveç karrierës si aktor humori, Olsi është dhe një reper shumë i pëlqyer nga publiku./revistawho.com
