Rina Balaj u largua nga rrjetet sociale disa javë më parë, duke mos dhënë asnjë shpjegim për fansat e saj. Nga ana tjetër, ish-menaxheri i saj, Met Elshani u shpreh se ishte një zgjedhje e këngëtares për t’u larguar nga muzika dhe se pas këtij vendimi, llogaria në ‘Instagram’ i kalonte atyre sipas kontratës.
Së fundmi Rina ka vendosur të thyejë heshtjen, duke pohuar se i detyrohet të gjithëve një shpjegim. “Faleminderit të gjithë ju që më keni shkruar dhe më keni bërë të ndihem mirë me mesazhet më pozitive të mundshme. Ju kam borxh arsyen pse u bëra një pushim nga rrjetet sociale dhe muzika”, ka shkruar Balaj krah fotos së publikuar në ‘Instastory’.
Mesa duket pas këtij rikthimi, reperja është gati të zbulojë dhe arsyen se çfarë e bëri të shkëputet për një farë kohe dhe se si do ta vazhdojë rrugëtimin në muzikë./revistawho.com
