Vite më parë reperi Ledri vendosi të largohej përfundimisht nga grupi ‘Babastars’ për shkak të mosmarrëveshjeve të shumta. Ndërsa pak javë më parë një tjetër anëtar vendosi të largohej duke sjellë edhe përçarje në grup. Reperi Cozman në fillim të muajit janar deklaroi se nuk do të ishte më pjesë e ‘Babastars’ dhe bëri publike edhe pagesat e të gjithë anëtarëve. Njësoj si Ledri tashmë ai ndjek i vetëm karrierën e tij muzikore dhe ka paralajmëruar se shumë shpjet do të publikojë edhe këngë. Jo vetëm kaq, por duket se pas largimit nga labeli, Cozman ka rregulluar edhe raportet me Ledrin.
Dy reperët kanë filluar të ndjekin njëri-tjetrin në ‘Instagram’ dhe në ditët e sotme kjo është një shenjë miqësie.
Kohë më parë kur Ledri u largua nga ‘Babastars’, Cozman nuk kishte marrëdhënie të mirë me të dhe nëpërmjet këngëve ata ironizonin shpesh njëri-tjetrin. Megjithatë tashmë këto kohë kanë kaluar dhe mesa duket Ledri dhe Cozman kanë vendosur ta hedhin gjithçka pas krahëve. /revistawho.com
